وەزیری بەرگریی ئیسرائیل: ئەگەر هەیە هێرش بکەینەوە سەر ئێران

ئاڤا نیوز

وەزیری بەرگری ئیسرائیل هۆشداری دایە ئێران کە هەوڵی دروستکردنی بۆمب ئەتۆمی نەدات و دەڵێت، "ئەگەر هەیە جارێکی دیکە هێرش بکەینەوە سەرتان و ئامادەیین".

وێنەگەورەکە: دوای ئەوەی ئەمریکا و ئیسرائیل هێرشی ئاسمانیی بەرفراوانیان کردە سەر بنکە ئەتۆمییەکانی ئێران لە مانگی ڕابردوودا، سەڕاری راگەیاندنی ئاگربەست، بەڵام ئیسرائیل و ئەمریکا بەردەوام هەڕەشەی ئەنجامدانی هێرشێکی نوێ دژی تاران لە ئەگەری بوونیاتنانەوەی بەرنامە ئەتۆمییەکەیان دەکەن.

لێدوانی فەرمی: ئیسرائیل کاتز، وەزیری بەرگری ئیسرائیل ڕایگەیاند: پێویستەپلانێکی نوێ و کاریگەر بۆ داهاتووی ئیسرائیل دابنێین  بۆ دڵنیابوون لەوەی ئێران جارێکی دیکە هەوڵی دروست کردنی بۆمب ئەتۆمی نادات.

ئەوەی پێویستە بیزانیت: ئەم لێدوانەی کاتز دوای ئەوە دێت کە مەسعود پزیشکیان، سەرۆککۆماری ئێران  و عەباس عێراقچی دووپاتیانکردەوە، "سەرەڕای زیانگەیشتنی زۆر بە دامەزراوە ئەتۆمییەکانمان، بەڵام وڵاتەکەمان دەستبەرداری پیتاندنی یۆرانیۆم و بەرنامە ئەتۆمییەکەی نابێت".