بە بڕیاری دۆناڵد ترەمپ ڕەگەزگۆراوەکان ناتوانن بەشداری یارییە ئۆڵۆمپیەکان بکەن

ئاڤا نیوز

بەبڕیاری دۆناڵد ترەمپ، سەرۆکی ئەمریکا، چیتر ئەو کەسانەی ڕەگەزی خۆیان گۆڕیوە بۆیان نییە بچنە مەلەوانگەی ئافرەتان و بەشداری لە یارییە ئۆڵۆمپییەکان بکەن، هەر بۆیە یەکێتیی یارییە ئۆلۆمپیەکانی ئەمریکا یاساکانی بەرامبەر ڕەگەزگۆراوەکان هەموارکرد.

چیرۆکی سەرەکی: دۆناڵد ترەمپ، سەرۆکی ئەمریکا واژۆی لەسەر یاسایەک کرد بەناونیشانی "پیاوان بەدوور بگرن لە وەرزشەکانی ئافرەتان" کە جێبەجێ کرا لەلایەن ئۆلۆمپیادی ویلایەتە یەکگرتوەکانی ئەمریکا و یەکێتی پارائۆلۆمپیک بۆ خاوەن پێداویستی تایبەت (USOPC).

پێدراوە ڕاستییەکان: دوای بڵاوبوونەوەی ئەم هەواڵە، میدیاکان داوای ڕوونکردنەوەی زیاتر لەسەر ئەم بڕیارە و لێدوانی فەرمی دەکەن لە (USOPC)، بەڵام وەڵامی نەبوو.

زانیاریی زیاتر: هەر لەچوارچێوەی بڕیارەکەی ترەمپ، رێگە نادرێت چیتر ڕەگەزگۆراوەکان بەشداری لە یاریە ئۆلۆمپیەکانی لۆس ئانجلس بۆ ساڵی 2028 بکەن.