کێشەی ئاوی سیتییەکانی هەولێر چارەسەر دەکرێت

ئاڤا نیوز

بەڕێوەبەرایەتیی گشتیی ئاو و ئاوەڕۆی هەولێر ڕایگەیاند، دوای گەڕەکەکان بە نۆرە ئاو بە سیتییەکان و پرۆژەکانی وەبەرهێنان و شوێنە گەشتیارییەکان دەگەیێنرێت.

وێنە گەورەکە: دانیشتوانی لاوان ستی وەک خۆیان دەڵێن، ناوی سیتیەکەیان لە خشتەی پڕۆژەی ئاوی فریاگوزاریی خێرا لە قۆناغی یەک بڵاوکراوەتەوە، بەڵام بۆرڕی ئاویان بۆ نەڕۆیشتووە، تا ئێستا خەڵک ئاو دەکڕێت، "لەڕێگەی ئاڤاوە داوا دەکەین ئاوی پڕۆژەکەمان پێبگەیێنرێت".

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤا میدیای ڕاگەیاند: لاوان ستی، گرووپی ئەندازیاری، هەولێر ستی، هیران ستی، ئایندە، ئاوێنەی شار، زەیتوون، هەموویان لەسەر ئەو هێلەی ئاوی فریاگوزاریی خێران کە ڕاگەیێنراوە، بەڵام هیچ یەکێکیان هاوبەشی ئێمە نین و پێوەری ئاویان نەبەستووە.

ئاری ئەحمەد دەڵێت: مانگی هەشت ئاو بە سیتییەکان دەدرێت، بەڵام پێویستە پێشوەخت ببن بە هاوبەشی ئێمە ئینجا ئاویان پێ دەدەین.

زانیاریی زیاتر: لاوان ستی لە نزیکەی هەزار خانوو پێکهاتووە، پێویستە وەبەرهێنەرەکە یان نوێنەرێک لەنێو خۆیان دیاری بکەن و بۆ بەڕێوەبەرایەتیی ئاوی بنێرن، تا ببنە هاوبەش و ئێمەش بتوانین لە مانگی داهاتوو ئاویان پێ بگەیەنین.

ئەوەی پێویستە بیزانیت: دوای گەڕەکەکان بە نۆرە ئاو بە سیتییەکان و پڕۆژەکانی وەبەرهێنان و شوێنە گەشتیارییەکان دەگەیێنرێت.