هالک هۆگن بە نەخۆشی دڵ کۆچی دوایی کرد

ئاڤا نیوز

ھاڵک ھۆگان، ئەستێرەی دیاری زۆرانبازیی پیشەگەرانی ئەمریکا لە تەمەنی 71 ساڵیدا بە جەڵتەی دڵ کۆچی دوایی کرد.

ڕاگەیێنراوی فەرمی: پۆلیسی شاری کلیەر واتەر لە  ویلایەتی فلۆریدای ئەمریکا ڕایگەیاند، ھاڵک ھۆگان تووشی جەڵتەی دڵ بووە و لە نەخۆشخانە گیانی لەدەستداوە.

لەلایەکی دیکەوە: کۆمپانیای WWE لە بەیاننامەیەکدا ڕایانگەیاند، هۆگن، یەکێکە لە دیارترین کەسایەتییەکانی WWE، یارمەتیدەر بوو لەوەی WWE لە ساڵانی هەشتاکاندا ناوبانگێکی جیھانیی بەدەست بهێنێت و سەرەخۆشی خۆمان ئاراستەی خێزان و هاوڕێیان و هەوادارانی هۆگن دەکەین.

زانیاریی زیاتر: ھاڵک ھۆگان، لە ساڵی 1985ەوە بۆ چەندین ساڵ ئەستێرەیەکی دیاری زۆرانبازیWWE  بووە. 

ئەوەش بزانە: هۆگن شەش پاڵەوانێتی WWE بردووەتەوە و لە ساڵی 2005دا ناوی لە هۆڵی کەسایەتییە بەناوبانگەکانی WWE تۆمار کرا.