ئێران مانگێکی دەستکردی ڕەوانەی بۆشایی ئاسمان دەکات

ئاڤا نیوز

ئێران ڕایگەیاند توانیویەتی بە شێوەیەکی سەرکەوتووانە مانگێکی دەستکرد ڕەوانەی بۆشایی ئاسمان بکات.

چیرۆکی سەرەکی: مانگە دەستکردەکە ناوی 'ناهید2'ـە و دوای 9 ساڵ کارکردن لە ناوخۆی ئێران دروستکراوە و توانراوە لە ڕێگەی مووشەکێکی ڕووسییەوە لە وێستگەی 'ڤۆستۆچنی' لە ڕۆژهەڵاتی ڕووسیاوە هەڵ بدرێت. 

بۆچی گرنگە؟: ناردنی ئەم مانگە دەستکردە نیشانەی پێشکەوتنی توانا ناوخۆییەکانی ئێرانە لە بواری بۆشایی ئاسمان سەرەڕای سزاکانی ئەو وڵاتە، هاوکاریی نێوان ئێران و ڕووسیا لەو بوارە نیشان دەدات، مانگە دەستکردەکە لە بوارەکانی پەیوەندییەکان و داتاکان ڕۆڵی دەبێت و بۆ مەبەستی بازرگانی و زانستیش سوودی لێوەردەگیرێت.