ویتکۆف: گرژییەکانی سووریا لە قۆناغی چارەسەرکردندان

ئاڤا نیوز

 

نێردەی تایبەتی دۆناڵد ترەمپ، سەرۆکی ئەمریکا لە ڕۆژهەڵاتی ناوەڕاست ڕایگەیاند، بەم دواییە گرژییەکان لە سووریا زیادیان کردووە، بەڵام لە هەوڵدان بۆ چارەسەرکردنیان.

 

چیڕۆکی سەرەکی: لە دوای کەوتنی دەسەلاتی بەشار ئەسەد، سەرۆکی پێشووی سووریا و هاتنە دەسەڵاتی ئەحمەد شەرع چەند جارێک گرژی و ئاڵۆزی لە نێوان هێزە ئەمنییەکانی حکومەت و پێکهاتەکان ڕووی داوە، شەڕی ئەم دواییەی دروزەکان و حکومەتی دیمەشق لە دیارترینیان بوون کە کاردانەوەی نێودەوڵەتی بەدوای خۆیدا هێنا.

 

لێدوانی فەرمی: ستیڤ ویتکۆف، نێردەی تایبەتی دۆناڵد ترەمپ، سەرۆکی ئەمریکا بۆ ڕۆژهەڵاتی ناوەڕاست ڕایگەیاند، لەم دواییانەدا گرژییەکان لە سووریا و بەتایبەتی لە پارێزگای سوەیدا زیادیان کردووە، بەڵام لە قۆناغی چارەسەر کردندان. 

 

زانیاریی زیاتر: ئەم لێدوانەی ویتکۆف لە کاتێکدایە کە پێشتر ڕایگەیاند، لە ماوەی داهاتوودا هەندێک شتی زۆر گەورە ڕادەگەیێنین و سەبارەت بەوە دەبێت کە کام وڵات پەیوەندی بە ڕێککەوتنی ئیبراهیمیەوە دەکات.

 

ئەمەش بزانە: پێشتر چەند میدیایەکی ئیسرائیلی بڵاویان کردەوە، بڕیارە چەند ولاتێکی دیکەی عەرەبی بێنە ناو ڕێککەوتنی ئیبراهیمیەوە لە ناویاندا سووریا و لوبنان.