دادگای عێراق بڕیاری یەک ساڵ زیندانی بەسەر سەرۆکی حیزبێک دەسەپێنێت

ئاڤا نیوز

دەسەڵاتی دادوەری عێراق سزای یەک ساڵ زیندانی بەسەر جەمال کەربولی، سەرۆکی پارتی عەدل بە تۆمەتی گەندەڵی سەپاند.

وێنە گەورەکە: دادگای ناوەندیی تاوانەکانی پسپۆڕ لە دۆسیەی گەندەڵی بە پێی ماددەی 453 لە یاسای سزادانی عێراقی، "پێشێلکردنی متمانە" سزای زیندانی ساڵێک بەسەر سەرۆکی پارتی ئەلعەدل،  بە حوکمی هەڵپەسێردراو سەپاند.

لێدوانی فەرمی: سەرچاوەیەک لە دادگای فیدراڵی ڕایگەیاندووە، ڕۆژی یەکشمەممە دادگای ناوەندیی تاوانەکانی پسپۆڕ لە دۆسیەی گەندەڵی، دادگا بڕیاری خۆی لەسەر ئەلکربولی بە پێی ماددەی 453 لە یاسای سزادانی عێراقی، پێشێلکردنی متمانە، دەرکردووە.

سەرچاوەکە ئاماژەی بەوەکردووە، هەر کەسێک موڵک و ماڵ بەکاربهێنێت کە کەسێکی دیکە خاوەندارێتی بکات، یان هەر شتێک کە پێی سپێردراوە و ڕادەستی کراوە، بۆ بەرژەوەندی تایبەتی خۆی بەکاری بهێنێت، یان بە خراپی بەکاری بهێنێت بە پێچەوانەی ئەو مەبەستەی کە پێی سپێردراوە، بە سزای زیندانی یان پێبژاردن سزا دەدرێت.

ئەوەی پێویستە بیزانیت: کەربولی لە مانگی نیسانی ساڵی 2021 بە تۆمەتی پەیوەندیدار بە گەندەڵیی دارایی دەستگیر کرا،  لە 28ـی تشرینی دووەمی 2021 ئازاد کراوە.