پرسەی کوردۆی شاعیر لە سلێمانی بەڕێوەدەچێت

ئاڤا نیوز

دوای ئەوەی دوێنێ کوردۆی شاعیر لە مزگەوتی گەورەی سلێمانی گیانی لەدەستدا، ئەمڕۆ لە شاری سلێمانی پرسەکەی بەڕێوەچوو.

چیرۆکی سەرەکی: دوێنێ کوردۆ عەبدوڵڵا، ناسراو بە کوردۆی شاعیر کۆچی دوایی کرد هەر زوو تەواوی سوشیاڵ میدیاکان پڕبوون لە هاوخەمی و ماتەمینی بۆ کۆچی دوایی ئەم شاعیرە. ئەمڕۆ لە شاری سلێمانی ڕێوڕەسمێکی ماتەمینی بۆ ڕێکخرا.

ئەوەی پێویستە بیزانیت: کوردۆی شاعیر لە ساڵی 1981 لە پێنجوێن لە دایکبووە و خاوەنی دوو منداڵە بە ناوەکانی لاناز و کارناس.

ئەمەش بزانە: ئەوەی کوردۆی شاعیری لە ئەوانەی دیکە جیا دەکردەوە، ئەوە بوو کە هەمیشە هەموو قسەکانی ناو دڵی باس دەکرد، زۆر جاریش گلەیی دەکرد کە هیچ جێگایەک هاوکارییان نەکردووە، تەنانەت لەسەر خواستی خۆشی چۆتە خەڵوەتگەی پیری و ماوەیەک لەوێ ژیاوە، پاشان ماوەیەک لە نێو یەکێک لە کەلاوەکانی سلێمانیدا دەمایەوە لەبەر ئەوەی  شوێنی نیشتەجێبوونی نەبوو، ئەمەش  کاردانەوەیەکی زۆری لێکەوتەوە.

باکگراوند: کوردۆی شاعیر دوێنێ لە ڕێککەوتی 27-7-2025، بەهۆی نەخۆشییەوە لە مزگەوتی گەورەی شاری سلێمانی کۆچی دوایی کرد.