ترەمپ بەدەم یاری گۆڵفەوە گەورەترین ڕێککەوتنی بازرگانی لەگەڵ ئەوروپا کرد

ئاڤا نیوز

ترەمپ بە دەم یاریی گۆڵفەوە و بە بەهای سەدان ملیار دۆکار ڕێککەوتنێکی بازرگانی لەگەڵ ئەوروپا کرد و وتی، وڵاتانی ئەوروپا ڕازی بوون سنوورەکانیان بەڕووی بەرهەمەکانی ئەمریکا بکەنەوە.

چیرۆکی سەرەکی: دۆناڵد ترەمپ، سەرۆکی ئەمریکا چەند ڕۆژێکە بە گەشتێک لە سکۆتلەندایە، لەوێ چووەتە یانەیەکی گۆڵف کە خۆی خاوەنیەتی و کۆشکێکیشی بەناوی "کۆشکی سپی" دروست کردووە. لە شوێنەکە بۆ کات بەسەر بردن ئۆتۆمبێلێکی جۆری گۆڵف لێ دەخوڕێت و پاسەوانەکانیشی بە 25 ئۆتۆمبێلی گۆڵفەوە پاسەوانی لێ دەکەن.

ڕێککەوتنەکە بەم شێوەیەیە: دوای کات بەسەربردن، ترەمپ لەگەڵ ئۆرسولا ڤۆن دێر لاین، سەرۆکی کۆمیسیۆنی ئەوروپا کۆبووەتەوە، لەوێ ڕێککەوتنێکی بازرگانی بە بەهای سەدان ملیار دۆلار لەگەڵ وڵاتانی ئەوروپا ئیمزا دەکات.

لێدوانی فەرمی: دوای ڕێکەوتنەکەی لەگەڵ ئەوروپا، ترەمپ ڕایگەیاند، "لەگەڵ ئەوروپا گەیشتووینەتە ڕێککەوتنێک، ئەمە ڕێککەوتنێکی باشە بۆ هەمووان و ئەوروپا بە بەهای 750 ملیار دۆلار وزە لە ئەمریکا دەکڕێت و بە بەهای 600 ملیار دۆلار وەبەرهێنان لە ئەمریکادا دەکەن".

- وڵاتانی ئەوروپا ڕازی بوون سنوورەکانیان بەڕووی بەرهەمەکانی ئەمریکا بکەنەوە.

لەلایەکی دیکەوە: ئەمڕۆ لە کۆشکە سپییەکەی لە سکۆتلەندا، ترەمپ پێشوازی لە کەیر ستارمەر، سەرۆکوەزیرانی بەریتانیا کرد.