ئێران هۆشدارییەکی تووند بە ئەمریکا و ئیسرائیل دەدات

ئاڤا نیوز

وەزیری دەرەوەی ئێران هۆشداریی بە ئیسرائیل و ئەمریکا  دەدات لە ئەگەری هەر هێرشێکی نوێی ئەو دوو وڵاتانە و ڕایگەیاند، ''بە تووندی وەڵامیان دەدەینەوە''.

وێنە گەورەکە: لە میانەی سەردانەکەیدا دۆناڵد ترەمپ، سەرۆکی ئەمریکا گوتی، ''ئێمە توانا ئەتۆمییەکانی ئێرانمان لە ناو بردووە، دەکرێت دووبارە دەست بە بوونیاتنانەوەی بکەن، بەڵام ئەم جارە بەتەواوی لە ناویان دەبەین''، ئەمەش کاردانەوەی ئێرانی بەدوای خۆیدا هێناوە و وەزیری دەرەوەی ئەو وڵاتە هۆشدارییەکی تووندی پێدان.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: ''ئەگەر ئیسرائیل و ئەمریکا جارێکی دیکە هێرش بکەنەوە سەرما،ن ئەوا ئەم جارە وەڵامێکی تووند و یەکلاکەرەوە دەدەینەوە.'' 

هاوکات گوتیشی، ئەگەر نیگەرانی هەبێت کە بەرنامە ئەتۆمییەکەمان بۆ مەبەستی ئاشتییانە نییە، ئەوا دانوستان چارەسەرێکی سەرکەوتووە چونکە سەلماندوومانە بژاردەی سەربازی کاریگەری نییە.