هۆشدارییەک لە هەژماری من بۆ مووچەخۆران: تەنیا لە ATMـەکان مووچەکانتان ڕابکێشن

ئاڤا نیوز

 

هەژماری من لەڕێگەی ئاڤا هۆشداری بە مووچەخۆران دەدات، کە دەبێت وریا بن لە نامەی هەندێک گرووپ کە بۆ مۆبایلەکانیان دەینێرن و بەبیانووی ڕاکێشانی پارە مووچەکانتان دەدزن.

 

چیرۆکی سەرەکی: لە سنووری قەزای ئامێدی مامۆستایەک کە 33 ساڵە لە پیشەکەی بەردەوامە، لە ماوەی ڕابردوودا بەردەوام لە ماسنجەر و واتسئاپ نامەی بۆ هاتووە، نامەكان بە زمانی عەرەبی بوون پێیان گوتووە: "بوویتە خاوەنی پێنج ملیۆن دینار هەندێک پارە بنێرە با پارەکەت بۆ ڕەوانە بکەین"، تاوەکو لە دوایین جار پێیان وتووە نامەیەكت لە واتسئاپ بۆ هاتووە، ئەو نامەیەمان بۆ بنێرە، دیارە كۆدێك لەو نامەیەدا بووە و كاتێك نامەكەی ناردووە، ئیتر حسابەكەی سفر بووە.

 

لێدوانی فەرمی: تیمی هەژماری من بە ئاڤای گوت، "پێمانناخۆشە کە هاونیشتمانیان تووشی ئەم کێشەیە دەبنەوە، بەڵام پێشتر و ئێستاش هۆشداری دەدەین و دووپاتی دەکەنەوە کە دەبێت تەنیا لە ئەی تی ئێمی هەژماری من پاڕەی خۆیان ڕابکێشن بۆ ئەوەی تووشی ئەم گرفتانە نەبن."

 
لەلایەکی دیکەوە: هەیفا جەلال ئەو مامۆستایەیە کە پارەکەی لێ دزراوە، دەڵێت، دەبێت حكومەتی عێراق و بانكی ئەهلی عێراقی ئەم باندە ئاشكرا بكەن و دەستەبەسەریان بكەن كە لەم دۆخە ناخۆشە دا مووچەكەیان دزیوە.