ئێران گۆڕانکاری لە پلە و پۆستی دەزگا ئەمنی و هەواڵگرییەکاندا دەکات

ئاڤا نیوز

حکومەتی ئێران بە مەبەستی خۆگونجاندن لەگەڵ گۆڕانكارییەكانی ناوچەكە، گۆڕانكاری لە پلە و پۆستی دەزگا ئەمنیی و هەواڵگرییەکاندا دەكات.

چیرۆکی سەرەکی: دوای هێرشەکانی ئیسرائیل بۆ سەر ئێران و کۆتایی هاتنی ئەو هێرشە 12 ڕۆژییە، ئێران دەستی بە گۆڕانکاری لە هەندێ بواردا کردووە و لە نوێترین گۆڕانکاری بڕیارە لە پلەو پۆستە ئەمنییەکان گۆڕانکاری بکات.

زانیاریی بەدەستهاتوو: ئاژانسی نور نیوزی ئێران بڵاویكردووەتەوە، لەگەڵ ئەوەی گۆڕانكاری لە پەیكەری دەزگا ئەمنییەكان كراوە، گۆڕانكاری لە پلە و پۆستە ئەمنییە باڵاكانیشدا دەكرێت و ئەو گۆڕانكارییەش بۆ خۆگونجاندنە لەگەڵ گۆڕانكارییەكانی ناوچەكە و ڕەوشی ناوخۆی ئێران بە تایبەت دوای شەڕی 12 ڕۆژە لەگەڵ ئیسرائیل و كوژرانی چەندین سەركردەی باڵا و زانای ئەتۆمی.

زانیاریی زیاتر: ئێران پێداچوونەوە بە كارنامەی دەزگای هەواڵگریدا دەكات و هەڵە و كەموكوڕییەكانی تاوتوێ دەكات بەهۆی ئەوەی ئیسرائیل توانیویەتی دەستی بگاتە زانیارییە هەستیارەكانی.