لە هەولێر شۆفێرێكی تاكسی به‌ فێڵ پاره‌ له‌ هاونیشتمانییان ده‌ستێنێت

ئاڤا نیوز

شێوازێکی فێڵکردنی نوێ لە هەولێر سەرهەڵداوە و وتەبێژی پۆلیسی هەولێریش هۆشداریی بە هاووڵاتییان دەدات لەوباریەوە.

چیرۆکی سەرەکی: هاووڵاتییەکی هەولێر پەیامنێری ئاڤای ئاگادارکردووەتەوە لەسەرهەڵدانی جۆرە فێڵێکی نوێ ئەوەیش بەناوی داواکردنی یارمەتی و وەستانی ئۆتۆمبێل لە قەرەغی شەقامەکان، دوای ئەوە چەند جارێک تێبینی ئەوەی کردووە کە سەیاق تەکسییەک لە سێ شوێنی جیاواز پارەی لە هاووڵاتییان وەرگرتووە. 

لێدوانی فەرمی: کارزان ساڵح، وتەبێژی پۆلیسی هەولێر بە ئاڤای ڕاگەیاند: ئاگامان لێیە هەندێک کەس دەستیان بەو جۆرە کارە کردووە، هەندێک لەوانە بەو جۆرە دەیانەوێت خەریکی سواڵکردن بن. 

داوا لە هاونیشتمانییان دەکەن بە ئاگابن و باوەڕ بەم جۆرە کەسانە نەکەن و فێڵیان لێنەکرێت.