ئاسایشی هەولێر باندێکی سێ کەسی بە تۆمەتی دانانی کامێرای نهێنی دەستگیر کرد

ئاڤا نیوز

ئاسایشی هەولێر ڕایگەیاند، باندێکی سێ کەسیان دەستگیر کردووە لەڕێگای تۆمارکردنی گرتەی ڤیدیۆیی هەڕەشەیان لە خەڵک کردووە و لەبەرامبەر بڵاونەکردنەوەی ڤیدیۆی نهێنی ئەو کەسانە داوای پارەیەکی زۆریان کردووە.

چیرۆکی سەرەکی: سێ تۆمەتبار بەناوەکانی (ق ، أ ، ع) و (م ، غ ، س) و (ف، ف ،ج) لەیەکێک لە پڕۆژەکانی نیشتەجێبوون شووقەیەکیان بە کرێ گرتووە، بەناوی میوانداری خەڵکیان هێناوەتە شووقەکە لە ژووری نووستن کامێرایان لەناو بڵندگۆ - سەماعە داناوە، پاشان لە ڕێگەی ئافرەتەوە سەرنجی ئەو کەسانەیان ڕاکێشاوە کە بۆ میوانداری هێنراون بۆ شووقەکە و ڤیدیۆیان تۆمار کردوون.

ڕاگەیێنراوی فەرمی: بەڕێوەبەرایەتی ئاسایشی هەولێر دەڵێت: ئەو کەسانە تا ئێستا بوونەتە هەڕەشە بۆ زیاتر لە 10 کەس و داوای پارەیەکی زۆریان لەو کەسانە کردووە لەبەرامبەر بڵاونەکردنەوەی ڤیدیۆکەیان.

زانیاریی زیاتر: ئەمڕۆ ئاسایشی هەولێر هەر سێ کەسەکەی دەستگیر کردووە و دەڵێن، سووپاسی هاونیشتمانیان دەکەین کە هاوکارمانن لە پێدانی زانیاری.