عەباس عێراقچی: هیچ زانیارییەکم لەبارەی شوێنی یەدەگی یۆرانیۆم نییە

ئاڤا نیوز

وەزیری دەرەوەی ئێران ڕایگەیاند: وڵاتەکەمان جارێکی دیکە توانای پیتاندنی یۆرانیۆمی هەیە، ناشزانم لەکاتی هێرشەکانی ئەمریکا بۆ سەر وێستگە ئەتۆمییەکان، ئەو بڕە یۆرانیۆمەی هەبووە بۆ کوێ گواستراوەتەوە. 

وێنە گەورەکە: جەنگی نێوان ئیسرائیل و ئێران ماوەی 12 ڕۆژی خایاند و هەردوولا زیانێکی زۆریان بە یەکتری گەیاند بەهۆی ئەنجامدانی هێرشەکانەوە، ڕاگەیاندنی ئاگربەستیش بە دەستوەردانی ڕاستەوخۆی ئەمریکا بوو دوای ئەوەی بە فرۆکەی جۆری B2 بۆردومانی سێ وێستگەی ئەتۆمی ئەو وڵاتەی کرد. 

لێدوانی فەرمی: عەباس عێراقچی، وەزیری دەرەوەی ئێران ڕایگەیاند:  هیچ زانیارییەکم نییە لەبارەی گواستنەوەی یۆرانیۆمی پیتێنراو لەو وێستگانەی کە ئەمریکا بۆردومانی کردوون. 

- بۆ دووبارەی بەرهەمهێنانەوەی یۆرانیۆم ئامادەین و زانا و شارەزای باشیشمان بۆ ئەو بوارە هەیە، کەی و چۆن دەسپێدەکەینەوە پەیوەندی بە کاتەوە هەیە.  

-  گەر جارێکی دیکە هیرشی هاوشێوە بکرێتە سەر بەرژوەندییەکانی وڵاتەکەمان، بە تووندترین شێوە وەڵاممان دەبێت و کارەدانەوەکانمان ناتوانرێت بشاردرێتەوە.