ئاڤا بەدواداچوون بۆ دامەزراندنی سێ یەکەمەکانی زانکۆ و پەیمانگەکان دەکات

ئاڤا نیوز

نوێنەرانی سێ یەکەمەکانی زانکۆ و پەیمانگەکانی هەرێمی کوردستان لەڕێگەی ئاڤاوە پەیامەکانیان دەگەیێنن و داوای دامەزراندن دەکەن. ئەنجوومەنی وەزیرانیش لە هەوڵی بەردەوامدایە بۆ دابینکردنی بودجەی پێویست بۆ دامەزراندنیان.

وێنە گەورەکە: لە ساڵی 2018ەوە پرۆسەی دامەزراندنی سێ یەکەمەکانی زانکۆ و پەیمانگەکان وەستاوە، ئەوکات هەزار و 300 دەرچووی ساڵی خوێندنی 2016-2017 دامەزرێنران، ئەمساڵیش بە بڕیاری سەرۆکوەزیران بارزانی، دامەزراندن دەستپێکردووەتەوە و سێ یەکەمەکانی ساڵانی 2017-2018 تاوەکو 2022-2023 دادەمەزرێنرێن.

زانیاریی پەیامنێر: دکتۆر کاروان عەلی، نوێنەری سێ یەکەمە دانەمەزراوەکانی زانکۆ و پەیمانگە حکومییەکانی هەرێمی کورستان قسەی بۆ ئاڤا کرد و وتی، "ئێمە ماوەیەکی زۆرە لە چاوەڕوانیدا ماوینەتەوە و چاوەڕێی ئەنجامین، بۆیە داوا لە ئاڤا میدیا دەکەین دەنگمان بگەیەنێت و حكومەتیش بە هانامانەوە بێت".

ئەوەی پێویستە بیزانیت: سێ یەکەمەکانی زانکۆ و پەیمانگەکانی هەرێمی کوردستان، نزیکەی 10 هەزار کەسە و لە ساڵانی 2017 بۆ 2018ی تێدایە تاوەکو 2025 بۆ 2025 کە دانەمەزراون، ئەوان نزیکەی ساڵێک دەبێت تەواوی ڕێکارە یاساییەکانیان تەواو کردووە و بایۆمەتریشیان بۆ کراوە، کەچی تا ئێستا فەرمانی دامەزراندنیان بۆ دەرنەچووە.

لێدوانی فەرمی: د. توانا نەجەف، بەڕێوەبەری گشتی دیوان لە وەزارەتی خوێندنی باڵا بە ئاڤای ڕاگەیاند: ئەنجوومەنی وەزیران بڕیاری داوە و لایەنە پەیوەندیدارەکانی ڕاسپاردووە کە هەوڵ لەگەڵ حکومەتی فیدراڵ بدرێت بۆ ئەوەی بودجە بۆ سێ یەکەمەکان تەرخان بکرێت و هەوڵەكانیش بەردەوامن.