لە کەرتی غەززە لە 24 کاتژمێردا 88 کەس کوژراون

ئاڤا نیوز

هێرشەکانی ئیسرائیل بۆ سەر کەرتی غەززە بەردەوامن و ئیسرائیل ڕۆژانە دەیان کەس لەو کەرتە دەکوژێت.

چیرۆکی سەرەکی: بە گوێرەی داتای نەخۆشخانەکانی کەرتی غەززە، لە ماوەی 24 کاتژمێردا لە بەرەبەیانی ڕۆی سێشەممە 5-8-2025 تاوەکو بەرەبەیانی ڕۆژی چوارشەممە 6-8-2025، ئیسرائیل 88 کەسی لە کەرتی غەززە کوشتووە.

زانیاریی زیاتر: 53 کەس لە قوربانییەکان لە سەرەی وەرگرتنی یارمەتییە مرۆییەکان و بە گوللـەی ڕاستەوخۆی سەربازانی ئیسرائیلی کوژران.

لەلایەکی دیکەوە: سوپای ئیسرائیل خۆی بۆ فراوانترکردنی ئۆپەراسیۆنەکان بە مەبەستی داگیرکردنی تەواوەتیی کەرتەکە ئامادە دەکات.

ئەمەش بزانە: لە ئۆکتۆبەری 2023ـەوە ئیسرائیل زیاتر لە 61 هەزار فەلەستینی لە کەرتی غەززە کوشتووە.