كۆمیسیۆن: تا ئێستا پارتی و یەكێتی لیستی ناوی بەربژێرانیان نەناردووە

ئاڤا نیوز

بەرپرسی هۆبەی تۆماری لایەنە سیاسییەكان لە ئۆفیسی هەولێری كۆمیسیۆنی هەڵبژاردنەكانی عێراق ئاشكرایكرد، تا ئێستا پارتی و یەكێتی لیستی ناوی بەربژێرانیان بۆ كۆمسیۆنی باڵای سەربەخۆی هەڵبژاردنەكانی عێراق نەناردووە.

فەرهاد ئەسعەد شێتنەیی، بەرپرسی هۆبەی تۆماری لایەنە سیاسییەكان لە ئۆفیسی هەولێری كۆمیسیۆنی هەڵبژاردنەكانی عێراق بۆ ئاڤا نیوز گوتی: تا ئێستا پارتی دیموكراتی كوردستان و یەكێتی نیشتیمانی كوردستان كە دوو حيزبی سەرەكیین، لیستی ناوی بەربژێرانیان بۆ كۆمسیۆنی باڵای سەربەخۆی هەڵبژاردنەكانی عێراق نەناردووە.

ئەوەی پێویستە بیزانیت: تا ئێستا نۆ پارتی سیاسی بۆ بەشداریكردن لە هەڵبژاردنی پەرلەمانی كوردستان خۆیان تۆماركردووە.

وێنە گەورەكە: بەپێی بڕیاری سەرۆكایەتی هەرێمی كوردستان، بڕیارە 10-6-2024 هەڵبژاردنی پەرلەمانی كوردستان بكرێت، بەڵام پارتی لە شێوازی هەڵبژاردن ناڕازییە و چەند داواكارییەكی هەیە.