یەکێتیی ئەوروپا کوشتنی ڕۆژنامەنووسان لەلایەن ئیسرائیلەوە سەرکۆنە دەکات

ئاڤا نیوز

یەکێتیی ئەورووپا کوشتنی پێنج ڕۆژنامەنووسی کەناڵی جەزیرە لە هێرشێکی ئیسرائیلی لە کەرتی غەزەدا سەرکۆنە دەکات. ئیسرائیل کوشتنی ڕۆژنامەنووسەکانی وەک تیرۆریست لە قەڵەمداوە.

لێدوانی فەرمی: کایا کالاس، بەرپرسی سیاسەتی دەرەوەی یەکێتیی ئەوروپا ڕایگەیاند، "پێویستە لەم دۆخانەدا بەڵگەی ڕوون دابین بکرێت، لە ڕێزگرتن لە یاسای حوکمدارییدا، بۆ دوورکەوتنەوە لە ئامانجگرتنی ڕۆژنامەنووسان".

ئاماژەی بەوەشکرد، ئیسرائیل کوشتنی ڕۆژنامەنووسەکانی ڕەت نەکردووەتەوە، بەڵکو وتویەتی ئەوانە تیرۆریست بوون.

یەکێتیی ئەوروپا هەروەها داوای لە ئیسرائیل کرد ڕێگە بدات یارمەتیی مرۆیی زیاتر بچێتە ناو کەرتی غەززەوە.

ئەوەی پێویستە بیزانیت: درەنگانی شەوی یەکشەممە، سوپای ئیسرائیل بۆردوومانی خێمەی ڕۆژنامەنووسانی کرد لە نزیک نەخۆشخانەی شیفا لە شاری غەززە، لە ئەنجامدا ئەنەس ئەلشەریف و محەممەد گرێگەع، پەیامنێرانی تۆڕی میدیایی جەزیرەی قەتەری و دوو کامێرامانی کەناڵەکە و کامێرامانێکی دیکە گیانیان لەدەستدا.