لە هەفتەی ڕابردوو 10 کەس لە ئێران لەسێدارە دراون

ئاڤا نیوز

لە ماوەی هەفتەی ڕابردوودا 10 کەس بە تۆمەتی جیا جیا لە لایەن کۆماری ئیسلامیی ئێرانەوە لە سێدارە دراون.

چیرۆکی سەرەکی: بەراورد بە ساڵانی ڕابردوو، بە دیاریکراویش لە دوای جەنگی نێوان ئیسرائیل و ئێرانەوە، ڕێژەی لە سێدارەدان لە ئێران بەرزبووەتەوە و ڕۆژانە لەنێو گرتووخانەکانی ئەو وڵاتەدا سزای لەسێدارەدان بەسەردا گەنجانی نەتەوە جیاوازەکان جێبەجێ دەکرێت.

بڵاوکراوەی فەرمی: بەپێی ڕاپۆرتەکانی مافی مرۆڤی هەنگاو، ئەو 10 کەسەی لە هەفتەی ڕابردوو لە سێدارە دراون ئەمانەن: مەهدی ئەسغەرزادە، سەجاد حەبیبی، یاسر سەوگەند، زاكر ئارامش، ئەحمەدڕەزا تورکاشوەند، جەواد یوسفی، ئومێد عەزیزیان، حیسام سالاری، بەهادۆر ئەلیاسی. سولەیمان ناسری خیز.

زانیاریی زیاتر: ئەو کەسانە پێشتر بە تۆمەتی پەیوەندیدار و ماددە هۆشبەرەكان، كوشتنی بە ئەنقەست، شۆڕشی چەكدارانە دژی كۆماری ئیسلامیی ئێران دەستگیر کراون، دواتر لە بەندیخانەكانی خوڕەماوا، ئەسفەهان، ئەراك، مەشهەد، قزڵحیساری كەرەج، بەندیخانەی دیزڵئاوا سزای لەسێدارەدانیان جێبەجێ كراوە.