سەرۆكوەزیران بارزانی سوپاسی ڕۆڵی مامۆستایانی ئایینی دەكات

ئاڤا نیوز

سەرۆكوەزیران بارزانی، لەگەڵ وەزیری ئەوقافی حكومەتی هەرێمی كوردستان كۆبووەوە و گفتوگۆیان لەبارەی چەند كار و پڕۆژەیەكی وەزارەتی ئەوقاف و كاروباری ئاینیی كرد.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و كاروباری ئاینی بە ئاڤا نیوزی ڕاگەیاند: لەدیداری لەگەڵ وەزیری ئەوقافدا سەرۆكوەزیران بارزانی دەستخۆشی و سوپاسی ڕۆڵی ئاینپەروەری و نیشتیمانپەروەری و میانڕەوی مامۆستایانی ئاینی كوردستان كرد، بڕیاردرا لە ڕێگەی پڕۆژەی خزمەت گەورەترین خزمەتی مامۆستایانی ئایینی هەرێمی كوردستان بكرێت.

زانیاریی زیاتر: لە كۆبوونەوەكەدا گفتوگۆ لەسەر چەند كار و پڕۆژەیەكی وەزارەتی ئەوقاف و كاروباری ئایینی كراوە، كە لە ماوەی نزیكی داھاتوودا كاری لەسەر دەكرێت.

ئەوەی پێویستە بیزانیت: پڕۆژەی خزمەت پرۆژەیەكە لەلایەن وەزارەتی ئەوقاف و كاروباری ئاینیی بە پاڵپشتی سەرۆكوەزیران بارزانی دەكرێت، كە تایبەتە بە مامۆستایانی ئایینی.