زێلێنسکی ئامادەیە پووتین ببینێت و ترمپیش هەوڵی ڕێکخستنی دیدارەکە دەکات

ئاڤا نیوز

کۆبوونەوەی نێوان سەرکردەکانی ئەمریکا و ئۆکراینا و سەرکردەکانی ئەورووپا لەبارەی چارەنووسی جەنگی ئۆکرانیا کۆتاییهات و ئۆکرایناش ئامادەیی بۆ بینینی پووتین بەبێ مەرجی پێشوەختە دەربڕی.

چیڕۆکی سەرەکی: دوای کۆبوونەوەی لەگەڵ ڤلادیمێر پووتین، سەرۆکی ڕووسیا لە ئەلاسکا هەفتەی ڕابردوو، دوێنی دووشەممە دۆناڵد ترەمپ، سەرۆکی ئەمریکا لە کۆشکی سپی لەگەڵ ڤۆلۆدیمێر زێلینسکی، سەرۆکی ئۆکراینا و بەشێک لە سەرکردەکانی ئەوروپا کۆبووەوە.

لێدوانی فەرمی: ڤۆڵۆدیمیر زێلێنسکی، سەرۆکی ئۆکراینا لەواشنتنەوە بە ڕۆژنامەنووسانی ڕاگەیاند، ئامادەیە بەبێ مەرجی پێشوەختە لەگەڵ ڤلادیمێر پووتین، سەرۆکی ڕووسیا کۆببێتەوە

لەلایەکی دیکەوە: زێلێنسکی ئاماژەی بەوەکرد  هەرچییەک ڕووبدات دەبێت لەگەڵ پووتین کۆببێتەوە و دەستبکات بە کارکردن لەسەر چۆنیەتی کۆتاییهێنان بە ململانێکان،لای خۆیەوەش دۆناڵد ترەمپ سەرۆکی ئەمریکا جەختی لەوەکردەوە ، هەوڵدەدات کۆبوونەوەیەکی سێقۆڵی لە نێوان خۆی و پووتین و زێلێنسکی ڕێکبخات