هەرێمی کوردستان گەشتی ئاسمانی بەمەبەستی عومرەکردن ڕاگرت

بەڕێوەبەرایەتیی گشتیی حەج و عومرەی هەرێمی کوردستان، گەشتکردنی عومرەکارانی هەرێمی کوردستان لەڕێگەی ئاسمانی ڕادەگرێت، ئەمەش وەک هەڵوێستێک بۆ دواکەوتنی گەڕانەوەی ئەو عومرەکارانەی لە سعودییە گیریان خواردووە.

 

چیرۆکی سەرەکی: بەهۆی چلەی ئیمام حوسێن و وەستاندنی گەشتیی ئاسمانی لە عێراق نزیکەی دوو هەزار عومرەکار لە سعودییە گیریان خواردووە و ئێستا نزیکەی 500 عومرەکاریان بە ڕێگەی وشکانییەوە گەڕاندووەتەوە هەرێمی کوردستان، بەشێکی دیکەیان لەوێ ماونەتەوە.

 

لێدوانی فەرمی: کاروان ستوونی، وتەبێژی بەڕێوەبەرایەتیی گشتیی حەج و عومرەی هەرێمی کوردستان؛ بەئاڤای گوت، "وه‌ك هه‌ڵویستێك له‌ به‌رامبه‌ر دواكه‌وتنی گه‌ڕاندنه‌وه‌ی  ئه‌و هاووڵاتییانه‌ی، كه‌ به‌ فڕۆكه‌ گه‌شتیی عومره‌یان كردووه‌ له‌ سعودییه‌ گیریان خواردووه‌ به‌هۆی نه‌بوونی فرۆكه‌ ناچاربوونه‌ به‌ پاس بگه‌رێنه‌وه‌ یان له‌وێ بمێننه‌وه‌، ڕێگه‌ به‌ هیچ گه‌شتێكی عومره‌ی ئاسمانی له‌ كوردستان ناده‌ن بۆ بردنی هاووڵاتییان بۆ عه‌ره‌بستانی سعودییه‌ تاوه‌كوو هه‌موو ئه‌و عومره‌كارانه‌ی له‌وێن له‌ نزیكترین كاتدا ده‌گه‌رێنرێنه‌وه."

 

زانیاریی زیاتر: وتەبێژی بەڕێوەبەرایەتیی گشتیی حەج و عومرەی هەرێمی کوردستان، جەخت لەوەدەکاتەوە کە هیچ کۆمپانیایەک ناتوانێت عومرەکار ببەنە سعودییە، هاوکات هۆشداریی به‌ بریكاره‌كانی هێڵی فرۆكه‌وانی عیراقی ده‌دات كه‌ پێویسته‌ هه‌وڵبده‌ن به‌ زووترین كات عومره‌كارانی  كوردستان له‌ سعودیه‌ بگه‌رێنرێنه‌وه،‌ به‌ پێچه‌وانه‌ ڕووبه‌ڕووی لێپێچینه‌وه‌ی یاسایی ده‌بنه‌وه.