ئێران 600 زیندانی گەڕاندەوە بەندیخانەی ئێڤین

ئاڤا نیوز

 

بەگوێرەی ڕۆژنامەی نیویۆرک تایمزی ئەمریکی، ئێران نزیکەی 600 زیندانی گواستوەتەوە بۆ زیندانی ئێڤین، کە هەمان ئەو زیندانەیە لە جەنگی 12 ڕۆژەی ئیسرائیل - ئێران، ئیسرائیل هێرشی ئاسمانی کردە سەری.

 

وێنە گەورەکە: جەنگی نێوان ئێران و ئیسرائیل لە 13ـی حوزەیرانی ئەمساڵ دەستی پێ کرد و نزیکەی 12 ڕۆژی خایاند. لە سەروبەندی جەنگەکەدا ئیسرائیل هێرشێکی ئاسمانیی گەورەی کردە سەر زیندانی ئێڤین لە تاران. بە گوتەی کاربەدەستانی ئێران لانیکەم 80 کەس لەو هێرشەدا کوژراون. زیندانی ئێڤین لەمێژە بەناوبانگە بە ڕاگرتنی ناڕازییە سیاسییەکان و هاووڵاتییانی بیانی لە ژێر بارودۆخێکی سەختدا.

 

ئەوەی پێویستە بیزانیت: بەپێی ڕۆژنامەی (نیویۆرک تایمز)ی ئەمریکی بەم دواییە  دەسەڵاتدارانی ئێران نزیکەی 600 زیندانی گەڕاندووەتەوە بۆ بەشی تازە دروستکراوی ناو گرتووخانەکە. ڕۆژنامە ئەمریکییەکە کە لە زاری زیندانییەک گواستوویەتییەوە بەشە نوێیەکانی بە "زیندانی تاریک" وەسف کردووە و ئاماژەی بەوە کردووە کە سەرەتاییترین بارودۆخی ژیانیان نییە کە پێویستن بۆ مانەوەی مرۆڤ.

 

بۆچوونی لایەنی بەرامبەر: ئێران بە ئاشکرا باسی ئەو گلەییانەی نەکردووە کە لەبارەی بارودۆخی زیندانییەکەوە دەکرێت، بەڵام جەختی لەوە کردووەتەوە کە ناوچە نۆژەنکراوەکان بۆ گەڕاندنەوەی ئاسایشە لە دوای ئەو وێرانکاریانەی کە بەهۆی هێرشە ئاسمانییەکانی ئیسرائیلەوە بەر ئەو گرتوخانەیە کەوت