ئیسرائیل: هەوڵەکانمان لە غەززە چرتڕ دەکەینەوە

ئاڤا نیوز

ئۆپەراسیۆنەکانی ئیسرائیل لە کەرتی غەززە بەردەوامن و سوپای وڵاتەکەش جەخت لەوە دەکاتەوە، لە هەفتەکانی داهاتوودا هەوڵەکانیان لە غەززە چڕتر دەکەنەوە و هۆشدارییەکیش بە حووسییەکان دەدات.

چیڕۆکی سەرەکی:  شەڕی غەززە لە دووەم ساڵی نزیک دەبێتەوە، بەڵام تەواوی هەوڵەکان تاوەکو ئێستا دەرئەنجامێکی ئەرێنییان بۆ ڕاگرتنی شەڕەکە نەبووە و ئۆپەراسیۆنەکانی ئیسرائیلیش بۆ سەر کەرتەکە بەردەوامن، سوپا ئامادە نییە کۆتایی بە جەنگ بهێنێت تا ئەو کاتەی سەرجەم ئامانجەکانی لەو کەرتە نەپێکێت.

لێدوانی فەرمی: ئیال زەمیر، سەرۆکی ئەرکانی سوپای ئیسرائیل ڕایگەیاند، وڵاتەکەی "هێرشی ستراتیژی" لە دژی حووسییەکان لە یەمەن دەستپێکردووە و جەختی لەوە کردەوە کە کار دەکەن تا ئەوکاتەی سەرجەم بارمتەکانیان لە کەرتی غەززە دەگەڕێندرێنەوە. هاوکات ئاماژە بەوەش دەکات فەرماندەیی باشوور ئۆپەراسیۆنەکانی لە شاری غەززە قووڵتر دەکاتەوە، لە هەفتەکانی داهاتووشدا هەوڵەکانیان زیاتر دەکەن.

لەبارەی حووسییەکانیشەوە ناوبراو دەڵێت، "پەیامەکەمان ڕوونە و لێبوردەییمان نابێت بەرامبەریان و ڕێگە نادەین هیچ زیانێک بە ئیسرائیل بگەیێندرێت.