لە تورکیا سەرۆک شارەوانییەک و 47 كەسی دیكە بە تۆمەتی گەندەڵی و ساختەكاری دەستگیر دەكرێن

ئاڤا نیوز

 

لە چوارچێوەی لێکۆڵینەوە لە دۆسیەی گەندەڵیی سەرۆکایەتیى شارەوانیى شارۆچکەی بایرام پاشا لە ئیستەنبووڵ، بڕیاری دەستگیرکردن بۆ سەرۆكی شارەوانیی شارۆچكەكە و 47 گومانلێکراوی دیكە دەرکرا.

 

چیرۆكی سەرەكی: داواکاری گشتیی ناوچەی ئیستەنبووڵ لەسەر تاوانەکانی: وەرگرتنی بەرتیل، فێڵ و ساختەکاری لە تەندەرەکاندا، دۆسیەی لێکۆڵینەوەی لەسەر سەرۆکایەتیی شارەوانیی شارۆچکەی بایرام پاشا لە ئیستەنبووڵ کردووەتەوە و لەو چوارچێوەیەشدا، تاوەكوو ئێستا بڕیاری دەستگیركردن بۆ 48 گومانلێكراو دراوە.

 

بڵاوكراوەی فەرمی: بەگوێرەی هەواڵێكی ئاژانسی ئەنادۆڵی توركی، تیمەکانی هۆبەی بەرەنگاربوونەوەی تاوان لە بەڕێوەبەرایەتیی گشتیی پۆلیسی ئیستەنبووڵ، دەستیان بە ئۆپەراسیۆن کردووە و لە ئۆپەراسیۆنێکی هاوکاتدا ژمارەیەکی زۆر لە گومانلێکراوان، لەوانەش؛ حەسەن موتڵو، سەرۆکی شارەوانیی شارۆچكەی 'بایرام پاشا'ـیان دەستگیر کردووە.