چەند دیپلۆماتکارێكی ئەمریکی لە سووریا لە پۆستەکانیان نامێنن

ئاڤا نیوز

چەند دیپلۆماتکارێکی باڵای ئەمریکی ئەرکەکانیان لە سووریا کۆتایی دێت، واشنتنیش دەڵێت ئەمە هەنگاوێکی کارگێڕییە و لە چوارچێوەی ڕێکخستنەوەی تیمەکانیانە لە دیمەشق.

زانیاریی بەدەستهاتوو: لە چەند ڕۆژی ڕابردوودا بەشێک لە باڵاترین دیپلۆماتکارانی ئەمریکی کە پەیوەندییان بە سووریاوە هەبووە لە ناکاو پۆستەکانیان دوورخراونەتەوە، ئەمەش بەگوێرەی پێنج سەرچاوەی ئاگادار لە بابەتەکە کە بە ڕۆیتەرزیان ڕاگەیاندووە، ئەمەش لە پەراوێزی ئەوە دایە کە واشنتن هەوڵ دەدات هاوپەیمانە کوردەکانی سووریا لەگەڵ ئیدارەی ناوەندی لە دیمەشق تێکەڵ بکات، هاوکات، ئەو ستافە سەرەکیانەی کە کار لەسەر پرسەکانی پەیوەست بە سووریا دەکەن، لە چەندین شوێنەوە لە چالاکییەکانیان بەردەوامن.

ئەوەی لەبارەیەوە دەگوترێت: سەرچاوەیەک دەڵێت، ڕۆشتنی ئەو کارمەندانە کاریگەری لەسەر سیاسەتی ئەمریکا لەسەر سووریا نابێت.

ئەمەش بزانە: بەرپرسێکی وەزارەتی دەرەوەی ئەمریکا ڕایگەیاند، وەزارەتەکە هیچ لێدوانێک لەسەر "بڕیارەکانی کارمەندان یان ڕێکخستنەوەی کارگێڕی" نادات.