ڕێککەوتننامەی ئاڵوگۆڕی سزادراوان لە نێوان عێراق و لوبنان واژۆ کرا

ئاڤا نیوز

عێراق و لوبنان لەسەر ئاڵوگۆڕکردنی سزادراوان ڕێککەوتن، بەپێی ئەم ڕێککەوتننامەکە، دوای تەواوکردنی ڕێکارەکان لە هەردوو وڵات، دەست بە چالاککردنی گواستنەوەی سزادراوان دەکرێت بەمەش ڕێگە بە سزادراوان دەدرێت سزاکانیان لە نزیک خێزانەکانیان بەسەر ببەن.

چیرۆکی سەرەکی: لەژێر چاودێری محەممەد شیاع سوودانی، سەرۆکوەزیرانی عێراق و بە ئامادەبوونی د. خالید شوانی، وەزیری داد و د. ئەسیر غورەیری، وەزیری بازرگانی، ئەمڕۆ پێنجشەممە، بەغدای پایتەخت کۆتاییهاتنی کارەکانی خولی دووەمی لیژنەی هاوبەشی عێراق - لوبنانی بەخۆوە بینی. لەم چوارچێوەیەدا، ڕێککەوتننامەیەکی دوولایەنە واژۆ کرا کە تایبەت بوو بە گواستنەوە و ئاڵوگۆڕی سزادراوان.

لێدوانی فەرمی: خالید شوانی، وەزیری دادی عێراق بە ئاژانسی هەواڵی عێراقی ڕاگەیاند، ئەم ڕێککەوتننامەیە لە چوارچێوەی ڕێککەوتننامە نێودەوڵەتییەکان هاتووەتە ئاراوە سەبارەت بە مافەکانی زیندانیان و پەیڕەوکردنی بنەماکانی مافی مرۆڤ. بە شێوەیەک کە ڕێگە بە سزادراوانی عێراقی و لوبنانی دەدات ماوەی سزاکانیان لە وڵاتە ڕەسەنەکانیان، لە نزیک خێزانەکانیان و کۆمەڵگاکەیان بەسەر ببەن، ئەمەش لە چوارچێوەی ڕێککەوتننامە نێودەوڵەتییەکاندا کاری پێدەکرێت."

زانیاریی زیاتر: وەزیری داد ئاماژەی بەوەشدا: "ئەم ڕێککەوتننامانە لە ساڵانی ڕابردوودا چالاک نەبوون، بەڵام دوای ساڵی 2003 عێراق دەستی بەم ئاراستەیە کردووە، بەتایبەتی لەگەڵ ئەو گوشارە زۆرەی کە فەرمانگەکانی چاکسازی بەخۆیانەوە دەبینن، بەتایبەتی دوای شەڕی داعش و ئەو تاوانانەی ئەنجامیاندا، جگە لە تاوانەکانی دیکەش کە ڕوودەدەن."