ساسان عەونی:  60%ـی کارەکانی شەقامی 100 مەتری سلێمانی تەواو بووە

ئاڤا نیوز

 

وەزیری شارەوانی و گەشتوگوزاری هەرێمی کوردستان ڕایگەیاند، کارکردن لە بەشێکی شەقامی 100 مەتری سلێمانی بەردەوامە و 60%ـی کارەکانی تەواو بووە.

 

لێدوانی فەرمی: ساسان عەونی، وەزیری شارەوانی و گەشتوگوزاری هەرێمی کوردستان لە چاوپێکەوتنێکدا لەگەڵ ئاڤا نیوز ڕایگەیاند، "ژێرخان و تێکەڵەڕێژی و زۆربەی کاری کۆنکرێتی شەقامی 100 مەتری تەواو بووە، کارکردن تێیدا بەردەوامە."

 

بۆچی گرنگە: بە تەواوکردنی ئەو پرۆژەیە کێشەی قەرەباڵغی شەقامەکانی سلێمانی کەمدەبێتەوە و زەوییەکانی ئەو سنوورە دەبنە پرۆژەی ستراتیژی.

 

ئەوەی پێویستە بیزانیت: شەقامی 100 مەتری سلێمانی کە بە "ئۆتۆبانى بابان" ناسراوە، یەكێكە لە پڕۆژە ستراتیژییەکانی كابینەی نۆیەمی حكومەتی ھەرێمی كوردستان‌، لە ساڵی 2020 سەرۆکوەزیران بارزانی بەردی بناغەی دانا و درێژییەکەی 146 كیلۆمەترە و بە سێ قۆناغ جێبەجێ دەكرێت.