دەستەی وەبەرهێنان ملیارێک و 352 ملیۆن دینار بۆ هاوکاری زیانلێکەوتووانی لافاوەکەی دهۆک کۆدەکاتەوە

ئاڤا نیوز

 

دوای لافاوەکەی دهۆک، دەستەی وەبەرهێنانی هەرێمی کوردستان هەڵمەتێکی کۆکردنەوەی هاوکاری بۆ زیانلێکەوتووانی لافاوەکە دەستپێکرد، ئەمڕۆ ملیارێک و 352 ملیۆن دیناری عێراقییان بۆ کۆکرایەوە و ڕادەستی پارێزگاری دهۆک کرا.

 

لێدوانی فەرمی: محەممەد شوکری، سەرۆکی دەستەی وەبەرهێنانی هەرێمی کوردستان ڕایگەیاند: دەستەی وەبەرهێنان دوای کارەساتی لافاوی دهۆک هەڵمەتێکی کۆکردنەوەی هاوکاری وەک قەرەبووکردنەوەی زیانلێکەوتووان ڕاگەیاند.

 

ئەوەی پێویستە بیزانیت: دەستەی وەبەرهێنان لەگەڵ وەبەرهێنەرانی کوردستان لە هەولێر و سلێمانی بڕە پارەیەکیان وەک هاوکاری کۆکردووەتەوە بۆ بەشداریکردن لە هاوکاریی و قەرەبووکردنەوەی هاووڵاتیان لە پارێزگای دهۆک؛ بڕی پارەکە ملیارێک و 352 ملیۆن دیناری عێراقییە.