ئاڤا دوایین زانیاریی لەبارەی چارەنووسی 22 کۆچبەری کورد لە لوبنان ئاشکرا دەکات

ئاڤا نیوز

22 کۆچبەری کورد لە کەناراوەکانی تەرابلوسی لوبنان دەستگیر کراون و خێزانەکانیان لەڕێگەی ئاڤا میدیاوە داوای بە هاناوەچوونی منداڵەکانیان دەکەن.

وێنە گەورەکە: بەشێک لە گەنجانی هەرێمی کوردستان و وڵاتانی دیکەی ناوچەکە بۆ گەیشتن بە ئەوروپا ڕێگای جیاوازی وشکانی، ئاوی و ئاسمانی بەکاردەهێنن، بەڵام زۆربەی جار لەلایەن هێزە ئەمنییەکانەوە دەستگیر دەکرێن، ڕووبەڕووی دۆخی نەخوازراو، ئەشکەنجەدان، برسێتی و چەندین کێشەیەکی دیکە دەبنەوە.

چیرۆکی سەرەکی: ماوەی 19 ڕۆژە 22 گەنجی کورد لەلایەن هەواڵگریی سەربازیی لوبنان لە شاری تەرابلوسی ئەو وڵاتە دەستگیرکراون، 13 کەسیان لەلای هەواڵگریی ئەو وڵاتە ماونەتەوە و پێنج کەسیشیان نێردراونەتە ئاسایشی گشتیی بەیرووت، خێزانەکانیان بە ئاڤا میدیایان وت: کوڕەکانیان مانیان لە خواردن گرتووە و لە بارودۆخێکی خراپدان، بۆیە داوا بەهاناوەچوون و ئازادکردنیان دەکەن.

لێدوانی فەرمی: سەلیم پاشا، ڕاوێژکاری پێشکەوتووی فەرمانگەی پەیوەندیییەکانی دەرەوەی حکومەتی هەرێمی کوردستان بە ئاڤای ڕاگەیاند: هەماهەنگیمان لەگەڵ وڵاتی لوبنان بەردەوامە و کار بۆ ئازادکردنی ئەو گەنجانە دەکەین، هەوڵ دەدەین بە زووترین کات ئازاد بکرێن و بگەڕێنرێنەوە نێو خێزانەکانیان لە هەرێمی کوردستان.

ناوی دەستگیرکراوەکان ئەمانەن:

1.    هاوژین ئەکرەم ڕەحیم
2.    بەهرۆز دەرباز حەمەڕەحیم
3.    محەممەد تاهر حەمەڕەحیم
4.    مازن نەوزاد تۆفیق
5.    ئارین نەوزاد تۆفیق
6.    ئارام نەوزاد تۆفیق
7.    نەوزاد تۆفیق فەرەج
8.    محەممەد جەلال مەلاشێخ
9.    ئەحمەد ئیدریس قادر
10.    دیار زانا عەزیز
11.    پەیوەند بێستوون عەبدوڵڵا
12.    هەستیار هێرش هیدایەت
13.    محەممەد ڕەشید قادر
14.    یاد زرار محەممەد
15.    ئەحمەد جەلیل مەجید
16.    محەممەد سالار لەتیف
17.    پێشڕەو عەبدوڵڵا ئەحمەد
18.    ئەمیر سوارە ئیبراهیم
19.    برووسک محەممەد خواڕەحم
20.    ئارەش سەلام محەممەد
21.    هەستیار عەبدوڵڵا یاسین
22.    ڕێژوان عوسمان عەلی