کوردێک وێنەی ڕاوێژکاری ئەڵمانیا بە ئاڵای کوردستان و ئەڵمانیا دەنەخشێنێت

ئاڤا نیوز

گەنجێکی کورد وێنەی ڕاوێژکاری ئەڵمانیا لەسەر فەرشێک دروست دەکات و بە ئاڵای کوردستان و ئەڵمانیا دەیڕازێنێتەوە.

لێدوانی فەرمی: بڕوا حەمەدئەمین، گەنجێکی شاری هەولێرە و چەند ساڵێکە ڕووی کردووەتەوە ئەڵمانیا، بە ئاڤا میدیای ڕاگەیاند، "لەبەر خۆشەویستیم بۆ گەل و حکومەتی ئەڵمانیا  و هاوکارییەکانی ئەو وڵاتە بۆ هێزەکانی پێشمەرگە، بە تایبەت لە شەڕی داعشدا، فەرشێکم بۆ فرێدریچ مێرز، ڕاوێژکاری ئەڵمانیا دروست کردووە کە یەک مەتر و نیو درێژە و پانییەکەشی مەترێکە".

ئەو گەنجە دەڵێت، فەرشەکە وێنەی ڕاوێژکاری ئەڵمانیای لەسەرە و لە پشتییەوە ئاڵای کوردستان و ئەڵمانیایە.

بڕوا ئاماژە بەوەش دەکات، هەوڵ دەدات فەرشەکە پێشکەش بە ڕاوێژکاری ئەڵمانیا بکات و داواشی لێبکات کە پاڵپشتیی زیاتری کوردستان بکات تا دەگاتە سەربەخۆیی.

زانیاریی زیاتر: دیزاینی فەرشەکە سەرەتا بە دەست داڕێژراوە کە هەزار و 500 شانە لە چنینیدا بەکارهاتووە، هەروەها هەزار و 350 یۆرۆ لە دروستکردنی تێچووە و دروستکردنەکەشی بە دوو مانگ تەواو بووە.