ڕاگەیەنراوێک لە گرووپی میدیایی ئاڤاوە؛ دەستپێکی قۆناغێکی نوێ لە میدیای کوردی

وەرزی نوێمان بە ڕیکۆردی و سەرکەوتنی نوێ دەستپێکرد

لەکاتێکدا کە هەفتەیەک بەسەر یەکەمین ساڵیادی دەستپێکردنی پەخشی ئاڤا میدیا تێدەپەڕێت، ئاڤا لە ماوەی 24 سەعاتدا دوو سەرکەوتنی بەرچاوی تۆمارکرد کە پێشتر وێنەی نەبووە.

لە چوارەمین ساڵیادی سەربەخۆبوونی ئیدارەی زاخۆ ئەستێرەکانی ئاڤا میدیا ڕووماڵیکی بەرفراوانیان لەو شارە خۆشەویستە کرد. 

بەو پێیەی کە پڕبینەرترین و کاریگەرترینە، ئاڤا خۆی ڕیکۆردەکانی خۆی دەشکێنێت و لە شەوی دابەشکردنی خەڵاتەکانی باشترین یاریزانی جیهان، ئەستێرەی یەکەمی وەرزشی کوردستان و بەڕێوەبەری ئاڤا سپۆرت چێنەر عەبدولقادر ڕیکۆردێکی نوێی تۆمارکرد کە تەنیا لە ڕاستەوخۆ فەیسبووک زیاتر لە 114 هەزار کەس لە ڕێگای ئاڤاوە سەیری ڕێوڕەسمەکەیان دەکرد و ملیۆنان کۆمێنتی لە پلاتفۆرمەکاندا بۆ نووسرا. 

وەکو لە ڕابردووشدا ڕامانگەیاندووە ساڵی یەکەم تەنیا سەرەتایە بۆ پڕۆژەیەکی زۆر گەورەتر و شتی زۆر ماوە کە هێشتا نە کراوە و نە بینراوە لە ئاڤا میدیا، بەمزووانەش بەرنامە نایابەکانی دیکەمان دەستپێدەکات، ئەم سەرکەوتنانە بەرهەمی متمانەی خەڵکی کوردستانن بە ئاڤا و ئەستێرەکانی بۆیە ئێستا ئاڤا میدیا نەک هەر یەکەمە بەڵکو زۆر یەکەمە. 

گرووپی میدیایی ئاڤا 
22-09-2025