ئاژانسی کۆیکای کۆری لە هەولێر کۆمەڵگەیەکی پەروەردەیی هاوچەرخ دروست دەکات

ئاڤا نیوز

وەزارەتی پەروەردە بە هاوکاری ئاژانسی کۆیکای کۆری، بودجەیەک بۆ ئەنجامدانی ژمارەیەک پڕۆژە بەمەبەستی بەرەوپێشچوونی کەرتی پەروەردە تەرخان دەکات و کۆمەڵگەیەکی پەروەردەیی سەردەمیانە لە ناحیەی دارەتوو بوونیاد دەنێت. لە باخچەی ساوایان تاوەکو دوا قۆناغی ئامادەیی دەبێت.

وێنە گەورەکە: لە ماوەی کابینەی نۆیەم 214 قوتابخانەی نوێ دروست کراون، بۆ ئەمساڵیش 28 قوتابخانە تەواو کراون، بە کۆی گشتیی شوێنی نوێ بۆ 110 هەزار قوتابی دروست کراوە.

لێدوانی فەرمی: شیلان خەلیل، بەڕێوەبەری گشتی پلاندانان لە وەزارەتی پەروەردە بە ئاڤای وت، کۆمەڵگە پەروەردەییەکە لە باخچەی ساوایان تاوەکو دوا قۆناغی ئامادەیی دەبێت. بەشێوازێکی هاوچەرخ و سەردەمیانە لەسەر ڕووبەرێکی فراوان بوونیاد دەنرێت، جگە لەوەی سەنتەرێکی ڕاهێنان لە گەڕەکی هەولێری نوێ بوونیاد دەنرێت و کتێبخانەی زەیتوونەش نۆژەن دەکرێتەوە.

زانیاریی زیاتر: بە وتەی بەڕێوەبەری گشتی پلاندنان لە وەزارەتی پەروەردە، لە چوارچێوەی ئەو پڕۆژەیە 10 قوتابخانە لە هەولێر نۆژەن دەکرێنەوە، تێچووی گشتی هەر چوار پڕۆژەکەش 12 ملیۆن دۆلارە.