کتێبی "ڕەهەندەکانی گۆڕانی چێژی ئیستاتیکی لە گۆرانی هاوچەرخی کوردیدا" بڵاودەکرێتەوە

ئاڤا نیوز

لقی هەولێری سەندیکای هونەرمەندانی کوردستان بە هەماهەنگی پارێزگای هەولێر ڕێوڕەسمی ناساندن و بڵاوکردنەوەی کتێبی "ڕەهەندەکانی گۆڕانی چێژی ئیستاتیکی لە گۆرانی هاوچەرخی کوردیدا" لە نووسینی ئاشنا عومەر ڕێک دەخات.

لێدوانی فەرمی: ئاشنا عومەر، نووسەری کتێبەکە و مامۆستای زانکۆ بە ئاڤا میدیای ڕاگەیاند، ئەم کتێبە باس لە گۆڕانی چێژی ئیستاتیکی دەکات کە چۆن گۆڕانکارییەکان لە گۆرانی هاوچەرخی کوردیدا ڕوویان داوە. هاکات کتێبەکە لە بنەڕەتدا، توێژینەوەیەکی زانستییە، بۆ بەدەستهێنانی بڕوانامەی ماستەر لە بەشی میوزیک کە لە کولێژی هونەرجوانەکانی هەولێر، بەشی میوزیک ئەنجامدراوە.

ئاشنا عومەر باس لەوەش دەکات، کتێبەکە شیکردنەوەی چەند گۆرانییەکی تێدا کراوە، لەسەر بنەمای شیکردنەوەی تێکست، زانستەکانی میوزیک هەر لە چوارچێوەی کتێبکەدا بە ڕاپرسی ئەنجام دراوە و بە داتا ئەنجامەکانی خراوەتە ڕوو.

زانیاریی زیاتر: کتێبەکە بەشی زانستی "کۆمەڵناسی، جوانیناسی، مرۆڤناسی و ئەتنۆموزیکۆلوژی" لەخۆدەگرێت.

ئەمەش بزانە: ئاشنا عومەر حەمەد، نووسەر و مامۆستای زانکۆیە لە کۆلێژی هونەرەجوانەکانی هەولێر، بەشی میوزیک.