بەهۆی هێرشکردنە سەر دووکانێک چوار کورد لە بەریتانیا زیندانی دەکرێن

ئاڤا نیوز

چوار کۆچبەری کورد کە لە ڕێگەی کەناڵی ئینگلیزەوە چووبوونە بەریتانیا بەهۆی بەشداریکردنیان لە هێرشکردنە سەر دووکانێک بە زیندانیکردن سزادران.

ڕاگەیێنراوی فەرمی: دادگای تاوانەکانی وینچێستەر ڕایگەیاندووە، بەهۆی ئەنجامدانی تووندوتیژی و هێرشکردنە سەر خەڵک بە چەقۆ و شمشێر لە شاری بۆرنمۆس سزامان بەسەر چوار کۆچبەری کورد سەپاندووە.

زانیاریی زیاتر: ئەو چوار کوردە لەگەڵ شەش کەسی دیکەدا هێرشیان کردووەتە سەر دووکانی کوردێکی بەریتانیا و خۆی و سێ هاوڕێیان بریندار کردوون و یەکێکیان بە ناوی سیپان قاسم بە سەختی بریندار بووە.

ئەوانەی سزادراون ئەمانەن:

٠ هانا حەسەن تەمەن 22 ساڵ، حەوت ساڵ زیندانی.

٠ ئوسامە قادر تەمەن 21 ساڵ، شەش ساڵ زیندانی.

٠ دەوەن مەنتک تەمەن 28 ساڵ، پێنج ساڵ زیندانی.

٠ یوسف شەعبان تەمەن 24 ساڵ، چوار ساڵ زیندانی.