ڤلادیمێر پووتین: نزیکەی %20ـی خاکی ئۆکرانیامان کۆنترۆڵ کردووە

ئاڤا نیوز

سەرۆکی ڕووسیا ئاشکرای دەکات، ''وڵاتەکەی لە ساڵی 2025 نزیکەی پێنج هەزار کیلۆمەتر چوارگۆشەی لە ئۆکرانیا گرتووە، واتە ئەمساڵ %1 خاکی ئۆکرانیای کۆنتڕۆڵ کردووە. لە درێژایی ماوەی شەڕەکەشی کە تاوەکو ئێستا بەردەوامە توانیوویەتی %20 خاکی ئەو وڵاتە دەست بەسەردا بگرێت'' 

 

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، ئەمساڵ ڕووسیا نزیکەی 5 هەزار کیلۆمەتر چوارگۆشەی ئۆکرانیای کۆنتڕۆڵکردووە. هاوکات دەشڵێت مۆسکۆ دەستپێشخەریی ستراتیژیی تەواوی لە بەرەکانی جەنگدا دەهێڵێتەوە.

 

وتیشی، هەرچەندە ئۆکرانیا هەوڵدەدات هێرشەکانی لە قووڵایی خاکی ڕووسیا ئەنجام بدات، بەڵام ئەوە دۆخەکە ناگۆڕێت.

 

لەلایەکی دیکەوە: ڤۆلۆدیمیر زێلێنسکی، سەرۆکی ئۆکرانیا ڕووسیای تۆمەتبار کرد بەوەی کە هەوڵی تێکدانی سەقامگیریی ئەوروپا دەدات بە بەکارهێنانی فڕۆکەی بێفڕۆکەوان بۆ کردەوەی تێکدان و کاولکاری.