سەرۆك بارزانی و باڵیۆزی ئیتاڵیا لە عێراق تاوتوێی پڕۆسەی ئاشتی لە توركیا دەکەن

ئاڤا نیوز

سەرۆک بارزانی لەگەڵ باڵیۆزی ئیتاڵیا لە عێراق کۆبووەوە، بیروڕایان لەبارەی پڕۆسەی ئاشتی لە توركیا و بارودۆخ  و دواپێشهاتەكانی سووریا ئاڵوگۆڕ كرد.

چیرۆکی سەرەکی: ئەمڕۆ چوارشەممە 08-10-2025، لە پیرمام سەرۆك بارزانی پێشوازی لە نیکۆلۆ فۆنتانا، باڵیۆزی ئیتاڵیا لە عێراق و شاندێكی یاوەری كرد.

ڕاگەیێنراوی فەرمی: بەپێی ڕاگەیێنراوێکی بارەگای بارزانی، لە دیدارەکەدا بیروڕا لەبارەی پڕۆسەی ئاشتی لە توركیا و بارودۆخ  و دواپێشهاتەكانی سووریا ئاڵوگۆڕ كرا. هەروەها تیشک خرایە سەر هەڵبژاردنەكانی ئەنجوومەنی نوێنەرانی عێراق و هەردوولا هیوایان خواست ئەو هەڵبژاردنە و دەرئەنجامەكانی، گۆڕانكاری ئەرێنی لێ بكەوێتەوە و خزمەتی بنەماكانی دیموكراسی و نوێنەرایەتیی گەل بكات.

زانیاریی زیاتر: هەر لە دیداری نێوانیان، سەرۆک بارزانی و باڵیۆزی ئیتاڵیا پڕۆسەی سیاسیی هەرێمی کوردستان و پێكهێنانی حكومەتی تازەیان تاوتوێ کرد.