دەرمانی قڕکەر بەسەر جووتیاران دابەش دەکرێت

ئاڤا نیوز

لە ئەمڕۆوە دەرمانی قڕکەر بەسەر جووتیاران دابەش دەکرێت، بە تایبەت ئەو جووتیارانەی ئامادەکاریی دەکەن بۆ داچاندنی گەنم.

وێنە گەورەکە: ساڵانە لە کۆتایی وەرزی زستان، جووتیاران دەست بە ئامادەکاری دەکەن بۆ داچاندنی بەرهەمە کشتووکاڵییەکانیان لە چەندی گەنم و جۆ و هەر بەرهەمێکی دیکە، حکومەتی هەرێمی کوردستانیش وەکو هاوکاری و پشتیووانی پاڵپشتی جووتیاران دەکات بە دابینکردنی بنەتۆ و پێداویستییەکانی دیکەی وەکو دەرمان. 

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤا میدیای گوت: بە مەبەستی خۆئامادەکردن بۆ وەرزی نوێی داچاندن، لەسەر فەرمانی سەرۆکوەزیران مەسرور بارزانی، دەرمانی قڕکەرمان ئامادەکردووە و لە ئەمڕۆوە بەبێ بەرامبەر بەسەر جووتیاران دابەشی دەکەین.

زانیاریی زیاتر: دەرمانە قڕکەرەکە لە جۆری (کۆمب فلود)ـە و تایبەتە بە قەڵاچۆکردنی بژاری پەلک پان لە ناو کێڵگەکانی گەنم.

ئەمەش بزانە: دەرمانەکە بەسەر بەش و بەڕێوەبەرایەتییەکانی سەر بە بەڕێوەبەرایەتیی گشتیی کشتووکاڵی هەولێر دابەش دەکرێت و جووتیاران دەتوانن لە سنووری خۆیان قڕکەرەکە وەربگرن.