هەرێمی کوردستان و ئوردن بەهێزکردنی پەیوەندییەکانیان دووپات دەکەنەوە

ئاڤا نیوز

مەسرور بارزانی، سەرۆکوەزیرانی کوردستان و کونسوڵی گشتیی نوێی شانشینی ئوردن کۆبوونەوە و پەیوەندییەکانیان تاوتوێ کرد.

 

چیرۆکی سەرەکی: ڕۆژی پێنجشەممە 13-11-2025، مەسرور بارزانی، سەرۆکوەزیرانی کوردستان، پێشوازی لە زیاد بەتاریسە، کونسوڵی گشتیی نوێی شانشینی ئوردن لە هەرێمی کوردستان کرد.

 

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردەوە، مەسرور بارزانی، سەرۆکوەزیرانی کوردستان وێڕای پیرۆزبایی بۆ دەستبەکاربوونی، ئاماژەی بە گرنگیی پەیوەندییەکانی هەرێمی کوردستان و ئوردن کرد، هەموو پشتیوانییەکی حکومەتی هەرێمی کوردستانی بۆ بەهێزکردنی زیاتری پەیوەندیی دوولایەنە دووپات کردەوە.

 

لەلایەکی دیکەوە: کونسوڵی گشتیی ئوردن، سڵاو و ڕێزی شا عەبدوڵلای دووەم، شای ئوردن و سەرۆکوەزیرانی وڵاتەکەی بە سەرۆکوەزیرانی کوردستان گەیاند، ئامادەیی پەرەپێدانی پەیوەندییەکانی ئوردنی لەگەڵ هەرێمی کوردستان لە هەموو بوارەکاندا دەربڕی.