تەریقەی کەسنەزانی چوار کورسی لە پەرلەمانی عێراق بەدەستدەهێنێت

ئاڤا نیوز

بەرپرسی ڕاگەیاندنی تەریقەتی کەسنەزانی ڕایدەگەیێنێت، تەریقەتەکەیان لە چوارچێوەی چەند هاوپەیمانیێتیەک چوار کورسیان لە هەڵبژاردنەکانی دوایی پەرلەمانی عێراق بەدەستهێناوە.

چیرۆکی سەرەکی: دوای ڕاگەیاندنی ئەنجامەکانی هەڵبژاردنی پەرلەمانی عێراق لەلایەن کۆمیسیۆنی هەڵبژاردنەکانی عێراق، تەریقەتی کەسنەزانی ڕایگەیاند کە لە چوار چێوەی چەند هاوپەیمانێتیەک چوار کورسییان لە پەرلەمانی عێراق بەدەستهێناوە.

لێدوانی فەرمی: ئەحمەد تۆفیق، بەرپرسی ڕاگەیاندنی تەریقەی کەسنەزانی، لە لێدوانێکدا بە ئاڤا میدیای ڕاگەیاند، "تەریقەی کەسنەزانی 4 کورسی بەدەستهێناوە، لە چوارچێوەی هاوپەیمانێتی لەگەڵ پارتی تەقەدوم و لیستە هاوپەیمانەکانی."

- بە وتەی تۆفیق، کاندیدەکانی تەریقەتەکە لە بەسرە (زەینەب تەمیمی) لە چوارچێوەی هاوپەیمانی تەسمیم، لە ئەنبار (ئەزهار سەدران) لە چوارچێوەی هاوپەیمانی قیمەم، لە بەغداد (مەها عەلوانی) لە هاوپەیمانی تەقەدووم سەرکەوتنیان بەدەستهێناوە. هەروەها جەمیل سەباک، نوێنەری تەریقەت لە نەینەوا، پلەی یەکەمی کاندیدەکانی پارتەکەی بەدەستهێناوە.

باکگراوند: ئێوارەی دوێنێ چوارشەممە 12ـی تشرینی دووەم، کۆمیسیۆنی باڵای سەربەخۆی هەڵبژاردنەکانی عێراق ئەنجامی بەرایی 98%ی دەنگەکانی هەڵبژاردنی ڕاگەیاند.