دوای چەند کاتژمێرێک لە داخستنی دەروازەی نێودەوڵەتیی زێت کرایەوە

ئاڤا نیوز

دەروازەی نێودەوڵەتی زێت لە سنووری ئیدارەی سەربەخۆی سۆران بۆ چەند کاتژمێرێک کارەکانی ڕاگرت، بەرپرسی ڕاگەیاندنی ئیدارەكەش دەڵێت، ئێستا کراوەیە و هیچ گرفتێکی نەماوە.

چیرۆكی سەرەكی: بەهۆی دروستبوونی كێشەیەكی تەكنیكی لە دەروازەی سنووریی نێودەوڵەتی زێت - دەرەجیک لە ئیدارەی سەربەخۆی سۆران، ئەمڕۆ دووشەممە، دەروازەكە بەڕووی هاتووچۆی هاووڵاتیان و گەشتیاران داخرا.

لێدوانی فەرمی: هەژار حەكیم، بەرپرسی ڕاگەیاندنی ئیدارەی سەربەخۆی سۆران بە ئاڤای ڕاگەیاند، داخستنی دەروازەكە بۆ ماوەیەكی كورت بوو و بەهۆی گرفتێكی تەكنیكیەوە بوو، ئێستا کراوەتەوە و هیچ گرفتی نەماوە.

هۆكارە زانراوەكان: هۆکاری داخرانی دەروازەی زێت، دروستبوونی کێشەیەکی تەکنیکی بوو لە سیستەمی دەروازەی دەرەجیک لە دیوی تورکیا،  لە دیوی سنووری هەرێمی کوردستان (زێت) هیچ کێشەی نەبوو.

باكگراوند: دەروازەی نێودەوڵەتیی زێت، لە 10ـی ئایاری 2023، بەشێوەیەكی فەرمی كرایەوە، ناحیەی شێروان مەزن لە قەزای مێرگەسۆر. سێیەم دەروازەی نێودەوڵەتیی نێوان هەرێمی كوردستان و توركیایە، لەدوای دەروازەی ئیبراهیم خەلیل و سەرزێڕێ لە ئامێدی. یەكەم دەروازەشە بۆ بەیەكبەستنەوەی ئیدارەی سۆران و پارێزگای جۆلەمێرگ لە باكووری كوردستان.