گیان لەدەستدان بە هۆی لافاوەکەی ئەندەنووسیا 900 کەسی تێپەڕاند

ئاڤا نیوز

ئاماری نوێی قوربانیان و بێسەروشوێنانی لافاوی وڵاتی ئەندەنووسیا دەریدەخات تاوەکو ئێستا زیاتر لە 908 کەس گیانیان لەدەستداوە و ژمارەکەش ڕوو لە زیادبوون دەکات.

زانیاریی بەدەستهاتوو: دەزگای بەڕێوەبردنی کارەساتەکانی ئەندەنووسیا ئاماری نوێی قوربانییانی لافاوی وڵاتەکەی بڵاویکردەوە و دەرکەتووە، 908 کەس تاوەکو ئێستا گیانی لەدەستداوە.

 
ژمارەکان وادەڵێن: جیا لەمردنی 908 کەس 410 کەسی دیکەش تاوەکو ئێستا بێ سەروشوێنن.

ئەمەش بزانە: لافاو و زریانی بێ وێنە لە سەرانسەری وڵاتانی ئاسیا لە ئەندەنووسیا، مالیزیا، سریلانکا، هیندستان و تایلەند گرتووەتەوە، بەهۆیەوە چەندین کەس بەهۆی ئەم کارەساتە سرووشتییە کە لە دەرئەنجامی گۆڕانی کەشوهەوا دروست بووە گیانیان لەدەستداوە.