ئیسپانیا: کاردانەوەی ئیسرائیل لە غەززە ناهاوسەنگە

ئاڤا نیوز

ئیسپانیا ڕەخنە لە ئاستی کاردانەوەکانی ئیسرائیل و ئۆپەراسیۆنە سەربازییەکانی لە کەرتی غەززە دەگرێت، بە ناهاوسەنگ ناوی دەبات.

لێدوانی فەرمی: پێدرۆ سانچێز، سەرۆکوەزیرانی ئیسپانیا، لە پەرلەمانی وڵاتەکەی ڕایگەیاند: "کاردانەوەکانی ئیسرائیل ناهاوسەنگن و دەبنە هۆی ناسەقامگیرکردنی ڕۆژهەڵاتی ناوەڕاست و لە سەر ئاستی هەموو جیهانیش لێکەوتەی دەبێت، داننان بەسەربەخۆیی فەڵەستین لە بەرژەوەندیی جیۆپۆلیتیکیی ئەوروپادایە و بە بێ ئەمە جیهان ناتوانێت یارمەتیی فەڵەستین بدات." 

زانیاریی زیاتر: سەرۆکوەزیرانی ئیسپانیا لە سەردانەکەی هەفتەی ڕابردوویدا بۆ ئوردن، سعودیە و قەتەر ڕایگەیاندبوو کە وڵاتەکەی تا کۆتایی مانگی حوزەیرانی ئەمساڵ دان بە سەربەخۆیی فەڵەستیندا دەنێت. 

باکگراوند: لەوەتەی شەڕی ئیسرائیل و حەماس لە حەوتی ئۆكتۆبەری ساڵی ڕابردوو دەستیپێکردووە، ئیسپانیا لە هەوڵدایە تا ئەوروپا ڕازی بکات لە سەر داننان بە سەربەخۆیی فەلەستین ڕێکبکەون.