ئینستاگرام ئامرازێکی نوێ بۆ ڕێگریکردن لە وێنەی نەشیاو بەکاردەهێنێت

ئاڤا نیوز

 

بەمەبستی پاراستنی بەکارهێنەرانی، کۆمپانیای مێتا لەڕێگەی نوێگەرییەکی دیکەوە بۆ ئینستاگرام ڕێگریی لە ناردنی وێنەی نەشیاو و هەڵگری پەیامی سێکسی دەکات.

 

ڕاگەیێنراوی فەرمی: کۆمپانیای مێتا کە خاوەندارییەتی تۆڕەکانی فەیسبووک، ئینستاگرام و واتسئەپ دەکات ڕایگەیاند، ماوەیەکی زۆرە لە ڕێگەی ئامراز و تایبەتمەندییەکی تازەوە دەمانەوێت ڕێگری لە هەموو "وێنە و ڤیدیۆیەکی" نەشیاو بگرین کە لە دایرێکتی ئیستاگرام دەنێردرێت.

 

ئەوەی پێویستە بیزانیت: لەمەودوا لە دایرێکتی ئینستاگرام ئەگەر بتەوێت وێنە یان ڤیدیۆیەکی نەشیاو و سێکسی بنێریت، لە ڕێگەی پەیامێکی ئۆتۆماتیکەوە ئاگادارت دەکاتەوە کە "ئەم وێنەیە یان ئەم ڤیدیۆیە نەشیاوە و پێش ئەوەی کەسی بەرامبەر بیبینێت بیسڕەوە".

 

زانیاریی زیاتر: کاتێک وێنەکەت نارد، لەلای کەسی بەرامبەر وێنەکە فلتەرێکی دەچێتەسەر و بە پەیامێک پێی دەڵێت، "Photo may contain nudity" واتە پێدەچێت وێنەکە دیمەنی نەشیاوی تێدابێت.