کۆشکی سپی جەخت لە بەردەوامیی ڕێککەوتنی سەرۆکوەزیران بارزانی و سوودانی دەکاتەوە

ئاڤا نیوز

 

لە کۆبوونەوەی جۆ بایدن و سوودانی چەندین پرسی پەیوەست بە هەرێمی کوردستان تاوتوێ کراوە لەوانەش ڕێککەوتنی سەرۆکوەزیران بارزانی و سوودانی، سەرۆکی ئەمریکا جەختی لە گرنگی بەردەوامی ڕێککەوتنەکە کردووەتەوە.

 

وێنە گەورەکە: ڕۆژی 03-04-2024، سەرۆکوەزیران بارزانی ڕایگەیاند، دوای هەوڵ و کۆششێکی زۆر، بە هاوکاریی هەردوو تیمی حکومەتی هەرێمی کوردستان و حکومەتی فیدراڵ، توانرا چارەسەرێکی گونجاو بۆ کێشەی خەرجکردنی مووچەی فەرمانبەران و مووچەخۆرانی هەرێمی کوردستان دابنرێت.

ڕاگەیێنراوی فەرمی: کۆشکی سپی لە ڕاگەیێنراوێکدا دەڵێت، جۆ بایدن، سەرۆکی ئەمریکا لەگەڵ محەممەد شیاع سوودانی، سەرۆکوەزیرانی عێراق، پشتگیری ڕێککەوتنى نێوان هەولێر و بەغدای سەبارەت بە بودجە و موچەى فەرمانبەرانی هەرێمی کوردستان کردووە.

 

زانیاریی زیاتر: بایدن لە کۆبوونەوەکەدا بە سوودانی گوتووە: پێویستە پەیوەندییەکانى هەرێمی کوردستان و عێراق بە هاوسەنگى و سەقامگیری بمێننەوە.