گووگڵ 28 کارمەندی لە کارەکانیان دوورخستەوە

ئاڤا نیوز

‎بەهۆی نارەزایەتی دەربڕین دژ بە گرێبەستێک لەگەڵ کۆمپانیا ئیسرائیلیەکان، کۆمپانیای گووگڵ 28 کارمەندی خۆی لە کارەکانیان دورخستەوە.

‎وێنە گەورەکە: گووگڵ 28 کارمەندی دەرکردووە کە بەشدارییان لە ناڕەزایەتییەکان کردووە لەسەر گرێبەستی نێوان کۆمپانیاکە لەگەڵ حکومەتی ئیسرائیل.

‎کاریگەری و لێکەوتەکان: گووگڵ ڕێککەوتنێکی لەگەڵ ئیسڕائیل کردووە، بەبەهای 200ملیۆن دۆلار، ئەمەش بووەتەهۆی ناڕەزایی کارمەندەکان، چوونەتە ژوورە نهێنییەکانی گووگڵ و ژمارەیەک سایتیان پەکخستووە، گوگڵیش لە کارەکانیان دەریانکردوون.

‎زانیاریی زیاتر: کۆمپانیاکە ئاماژەی بەوەشکردووە، "لێکۆڵینەوەی تاکەکەسی کردووە و لە ئەنجامدا گرێبەستی 28 کارمەند ڕاگیراوە، هەروەها بەردەوام دەبێت لە لێکۆڵینەوە و ڕێوشوێنی پێویست دەگرنەبەر دژی کارمەندانی دیکە، کە دەستیان لەو کارەدا هەبێت".

‎زانیاریی زیاتر: گرووپەکە وێنە و کلیپی ڤیدیۆیی لە سۆشیال میدیادا بڵاوکردەوە، کە تێیدا کرێکارانی ئۆفیسەکانی گووگڵ تابلۆکانیان بەرزکردووەتەوە و لەسەر زەوی دانیشتوون و دروشمیان دژی کۆمپانییاکە دەگوتەوە.