"هەولێر و بەغدا لەبارەی دواخستنی هەڵبژاردن لێكتێگەیشتنیان كردووە"

ئاڤا نیوز

بەپێی هەواڵی ڕۆژنامەیەکی عەرەبی، لێکگەیشتن لەنێوان بەغدا و هەولێر کراوە لەبارەی دواخستنی هەڵبژاردنی هەرێمی کوردستان، سەرۆکوەزیرانی عێراقیش لەوبارەیەوە ڕەزامەندی داوە.

وێنە گەورەکە: پارتی دیموکراتی کوردستان، وەکو هێزی یەکەمی هەرێمی کوردستان بەهۆی بڕیارەکانی دادگەی باڵای فیدراڵی بەتایبەت سەبارەت بە پێکهاتەکان، لەشێوازی بەڕێوەچوونی هەڵبژاردن نیگەرانە کە بڕیارە لە 10-06-2024 بکرێت و کۆمیسیۆنی عێراق سەرپەرشتی بکات.

زانیاریی بەدەستهاتوو: ڕۆژنامەی "عەرەبی جەدید" بڵاویکردووەتەوە: "لێکگەیشتن لەنێوان بەغدا و هەولێر کراوە لەبارەی دواخستنی هەڵبژاردن، بەغداد دەزانێت بەبێ‌ پارتی هەڵبژاردن ناکرێت، ناشیەوێت کێشە بخولقێنێ و محەممەد شیاع سوودانی سەرۆکوەزیرانی عێراقیش دژی دواخستنی هەڵبژاردن نییە".

زانیاریی زیاتر: وەک ڕۆژنامەکە لەزاری بەرپرسێکی باڵای هەرێمی کوردستان ئەوەی ئاشکرا کردووە" سەرۆکی هەرێمی کوردستان لە رۆژانی داهاتوو لەگەڵ هێزە سیاسییەکانی هەرێمی کوردستان کۆدەبێتەوە و پرسی دواخستنی هەڵبژاردن دەخرێتەڕوو".

 
باکگراوند: لە هەرێمی کوردستان سێ ملیۆن و 700 هەزار کەس مافی دەنگدانیان هەیە.