گوتەبێژی وەزارەتی دەرەوەی ئەمریکا دەستی لەکار کێشایەوە

ئاڤا نیوز

 

گوتەبێژی زمانی عەرەبیی وەزارەتی دەرەوەی ئەمریکا، وەک ناڕەزایەتییەک دژ بە سیاسەتی واشنتن بەرامبەر بە شەڕی غەززە، دەستلەکارکێشانەوەی خۆی ڕاگەیاند.

 

بۆچی گرنگە؟ تاوەکو ئێستا ئەمە سێیەمین بەرپرسی وەزارەتی دەرەوەی ئەمریکایە، بەهۆی ناڕەزایەتییان لە سیاسەتی واشنتن بەرامبەر شەڕی غەززە دەست لەکار دەکێشنەوە.

 

لێدوانی فەرمی: هالە غەریت، لە تۆڕی کۆمەڵایەتیی "لینکدئین" ڕایگەیاند: "لە مانگی نیسانی 2024 دوای 18 ساڵ خزمەتکردن، وەک ناڕەزایەتییەک بەرامبەر بە سیاسەتی ئەمریکا لە غەززە دەستم لەکار کێشایەوە".

 

ئەمەش بزانە: نزیکەی مانگێک پێشتر ئەنیل شیلین، لە نووسینگەی مافی مرۆڤی وەزارەتی دەرەوەی ئەمریکا دەستلەکارکێشانەوەی خۆی ڕاگەیاند. جۆش بۆڵ، بەرپرسی وەزارەتەکە لە مانگی ئۆکتۆبەر دەستی لەکار کێشایەوە. هەروەها تارەق حەبەش، لە وەزارەتی پەروەردەی ئەمریکا کە فەلەستینی-ئەمریکییە، دەستی لەکار کێشایەوە.