سەرۆكی هەرێمی كوردستان سەركۆنەی هێرشەكەی سەر كۆرمۆر دەكات

ئاڤا نیوز

سەرۆكی هەرێمی كوردستان، سەركۆنەی هێرشەكەی سەر كێڵگەی كۆرمۆر دەكات و دەڵێت، "ئەم هێرشانە سەقامگیریی وڵات دەخەنە مەترسییەوە و پێویستە لایەنە پەیوەندیدارەكانی عێراق ئەركی خۆیان جێبەجێ بكەن".

چیرۆكی سەرەكی: ئێوارەی ئەمڕۆ هێرش كرایە سەر كێڵگەی كۆرمۆر لە چەمچەماڵ و بەهۆیەوە چەند كەسێك بوونە قوربانی و زیانێكی زۆریش بەر كێڵگەكە كەوت.

ڕاگەیێنراوی فەرمی: نێچیرڤان بارزانی، سەرۆكی هەرێمی كوردستان ڕایگەیاند: "زۆر به‌ تووندی سه‌ركۆنه‌ی هێرشی درۆنیی ئه‌م ئێواره‌یه‌ی سه‌ر كێڵگه‌ی گازی كۆرمۆر له‌ سنووری قه‌زای چه‌مچه‌ماڵ له‌ پارێزگای سلێمانی ده‌كه‌م كه‌ به‌داخه‌وه‌ شه‌هید و برینداری لێكه‌وتووه‌ته‌وه‌ و بووه‌ته‌ هۆی پچڕان و كه‌مبوونه‌وه‌ی به‌رهه‌مهێنانی كاره‌با و له‌كاروه‌ستانی وێستگه‌كه‌".

 

زانیاریی زیاتر: دووپاتی ده‌كه‌مه‌وه‌ كه‌ ئه‌م هێرشانه‌ ئارامی و سه‌قامگیریی وڵات ده‌خه‌نه‌ مه‌ترسییه‌وه‌ و لایه‌نه‌ په‌یوه‌ندیداره‌كانی حكوومه‌تی عێراقی فیدراڵ پێویسته‌ ئه‌ركی خۆیان بۆ ڕێگری له‌و هێرش و په‌لامارانه‌ و دۆزینه‌وه‌ی ئه‌نجامده‌رانی له‌ هه‌ر لایه‌نێك بن بگێڕن و به‌ سزای یاسایی بگه‌یەنرێن. نێچیرڤان بارزانی وا دەڵێت.

وێنە گەورەكە: كێڵگەی غازی كۆرمۆر ڕۆژانە چوار هەزار و 200 مێگاوات كارەبا بەرهەم دەهێنێت، دوو هەزار و 800 مێگاواتی بۆ هەرێمی كوردستان و ئەوەشی دەمێنێتەوە ڕەوانەی هەردوو پارێزگای كەركووك و مووسڵ دەكرێت.